कैदीबन्दीको श्रमबाट आम्दानी, बाहिरबाट अभिषेक गिरीको असुली !

विराटनगर । विगतमा अपहरण तथा शरीर बन्धक मुद्दामा ९ वर्ष कैद भुक्तान गरेका अभिषेक गिरीले अवैध असुली धन्दा रोकेनन् ।

गिरीमाथि कारागारमा रहँदा मात्र नभई बाहिर निस्किएपछि पनि कारागारको आन्तरिक प्रशासन र आर्थिक कारोबारमा अनाधिकृत हस्तक्षेप गर्दै अवैध असुली धन्दा चलाएको आरोप छ । सोही आरोपमा शनिबार बिहान प्रहरीले उनलाई पक्राउ गर्‍यो । जिल्ला प्रहरी कार्यालय मोरङको टोलीले विराटनगर–८, मधुमारास्थित आफ्नै निवासबाट ४८ वर्षीय गिरीलाई नियन्त्रणमा लिएको हो । उनीमाथि असुली धन्दामा केन्द्रीत रहेर अनुसन्धान भइरहेको प्रहरीको भनाइ छ ।