डेभिड वार्नरले काठमाडौं गोर्खाजबाट एनपीएल खेल्ने

अस्ट्रेलियाका स्टार क्रिकेटर डेभिड वार्नर नेपाल प्रिमियर लिग (एनपीएल) को आगामी संस्करणमा काठमाडौं गोर्खाजबाट खेल्ने भएका छन्। काठमाडौं गोर्खाजले वार्नरलाई टोलीमा अनुबन्ध गरेको घोषणा गरेको हो।

विश्व क्रिकेटका चर्चित ब्याटर वार्नरको आगमनसँगै एनपीएलको अन्तर्राष्ट्रिय चर्चा थप बढ्ने अपेक्षा गरिएको छ। आक्रामक ब्याटिङका लागि परिचित वार्नरले अस्ट्रेलियाका लागि लामो समय ओपनरको भूमिका निर्वाह गरेका छन्। उनले अस्ट्रेलियालाई अन्तर्राष्ट्रिय क्रिकेटमा महत्वपूर्ण सफलता दिलाउन पनि योगदान गरेका छन्।