रसुवा बाढी : २ हजार ४६५ जनाको उद्धार, १ हजार ७०६ जनालाई स्वास्थ्य सेवा

काठमाडौं ।

रसुवामा आएको विनाशकारी बाढीपछि नेपाली सेनाले सञ्चालन गरेको खोज तथा उद्धार अभियानअन्तर्गत हालसम्म २ हजार ४६५ जनाको उद्धार गरिएको छ। नेपाली सेनाका अनुसार २०८३ भदौ १३ गते बिहान ८ बजेसम्म टिमुरे, स्याफ्रुवेशी, धुन्चे तथा मैलुङ क्षेत्रबाट सेनाका हवाई साधनमार्फत २ हजार २६५ जनाको उद्धार गरिएको छ। उद्धार गरिएकामध्ये १६३ जना विदेशी नागरिक रहेका छन्। उद्धार गरिएका विदेशी नागरिकमा ११३ भारतीय, ४ जर्मन, २६ चिनियाँ, २ अमेरिकी, २ इटालियन, १ ओमानी र १५ कोरियाली नागरिक रहेका छन्। त्यस्तै, ३ए टनेल क्षेत्रबाट १९१ जनाको उद्धार गरिएको छ भने स्थलमार्गबाट थप २०० जनाको उद्धार गरिएको सेनाले जनाएको छ।