जलवायु परिवर्तनको असर न्यूनीकरणका लागि विश्वसमुदायसँग सहकार्य गर्ने प्रधानमन्त्री शाहको प्रतिबद्धता

काठमाडौँ। प्रधानमन्त्री वालेन्द्र शाहले जलवायु परिवर्तनका कारण नेपालले भोगिरहेको जोखिम, क्षति र विपद्को विषयलाई अन्तर्राष्ट्रिय समुदायसमक्ष उठाउने बताएका छन्। उनले जलवायु परिवर्तनको असर न्यूनीकरण तथा विपद् व्यवस्थापनका लागि विश्वव्यापी सहयोग र सहकार्य आवश्यक रहेको बताएका हुन्।

मुस्ताङको जोमसोममा आयोजित ‘घरपझोङ जलवायु सम्मेलन’ का अवसरमा पठाएको शुभकामना सन्देशमा प्रधानमन्त्री शाहले जलवायु परिवर्तनबाट सिर्जित समस्या समाधान विश्व समुदायको साझा जिम्मेवारी भएको बताएका छन्। नेपालले भोगिरहेको जलवायुजन्य जोखिमबारे विश्वको ध्यानाकर्षण गराउने प्रतिबद्धता उनले व्यक्त गरेका छन्।