व्यवसाय विस्तारमा आक्रामक बैंकहरु - ११ महिनामा ७ खर्ब निक्षेप थपिँदा ३ खर्ब मात्रै ऋण, कुनको कति ?

नेपाल बैंकर्स संघले सार्वजनिक गरेको चालु आर्थिक वर्ष २०८२/०८३ को ११ महिना (जेठ मसान्त) सम्मको तथ्याङ्क अनुसार हाल सञ्चालनमा रहेका २० वटा वाणिज्य बैंकहरूको निक्षेप संकलन र कर्जा प्रवाह दुवैमा वृद्धि देखिएको छ। गत आर्थिक वर्षको असार मसान्तमा ६५ खर्ब ३० अर्ब ७९ करोड रुपैयाँ रहेको वाणिज्य बैंकहरूको कुल निक्षेप ११.०७ प्रतिशतले बढेर ७२ खर्ब ५३ अर्ब ९२ करोड रुपैयाँ पुगेको छ।

निक्षेपको तुलनामा कर्जा प्रवाहको वृद्धिदर भने केही सुस्त देखिएको छ। यस अवधिमा बैंकहरूको कर्जा प्रवाह ५.८१ प्रतिशत अर्थात् २ खर्ब ८८ अर्ब रुपैयाँले बढेर कुल ५२ खर्ब ६२ अर्ब रुपैयाँ पुगेको छ।