रास्वपाको प्रथम महाधिवेशन अलमलमा परेको बेला जेनजी अगुवा रवि किरण हमालका ३ सुझाव

काठमाडौं– चितवनमा जारी राष्ट्रिय स्वतन्त्र पार्टी (रास्वपा) को प्रथम महाधिवेशनलाई नजिकबाट नियालिरहेका जेनजी अगुवा रवि किरण हमाल ले महाधिवेशनलाई नयाँ राजनीतिक संस्कार स्थापित गर्ने ऐतिहासिक अवसरका रूपमा उपयोग गर्न आग्रह गरेका छन्।

हमालले सामाजिक सञ्जालमार्फत आफ्नो धारणा सार्वजनिक गर्दै पार्टीभित्र “एक व्यक्ति, एक जिम्मेवारी” को सिद्धान्त कडाइका साथ लागू गरिनुपर्ने बताएका छन्। उनका अनुसार शक्ति र जिम्मेवारी केही व्यक्तिमा केन्द्रित हुँदा संस्था कमजोर र व्यक्ति बलियो बन्ने खतरा रहन्छ। त्यसैले दीर्घकालीन रूपमा बलियो राजनीतिक संस्था निर्माण गर्न जिम्मेवारीको स्पष्ट विभाजन आवश्यक रहेको उनको भनाइ छ।