सर्वदलीय विशेष संसदीय समिति गठन गर्न एमालेको माग

नेकपा एमालेकी सांसद पद्मा अर्यालले विपद्पछि राहत, खोज तथा उद्धार, पुनर्स्थापना र पुनर्निर्माणका काम प्रभावकारी बनाउन सर्वदलीय विशेष संसदीय समिति गठन गर्न माग गरेकी छन्।

मंगलबार प्रतिनिधि सभा बैठकमा बोल्दै सांसद अर्यालले विपद्को समयमा राजनीतिक स्वार्थभन्दा माथि उठेर सबै पक्षबीच समन्वय र सहकार्य आवश्यक रहेको बताइन्। उनले विपद्पछि राज्यको तयारी, स्रोत परिचालन र उद्धारमा देखिएका कमजोरीको समीक्षा गर्नुपर्ने बताएकी छन्।