बाढीपीडित बालबालिकाका लागि मनोपरामर्शको व्यवस्था गर्न राना मगरको माग

प्रतिनिधिसभा सदस्य इन्दिरा राना मगरले रसुवामा आएको बाढीबाट प्रभावित बालबालिकाको मानसिक स्वास्थ्य उपचार तथा मनोसामाजिक परामर्शका लागि सरकारले तत्काल अस्पताल तथा पुनर्स्थापना केन्द्रको व्यवस्था गर्नुपर्ने माग गरेकी छन्।

मंगलबार बसेको प्रतिनिधिसभा बैठकमा बोल्दै राना मगरले बाढीबाट प्रभावित बालबालिकामध्ये कतिपयमा स्वास्थ्य समस्या देखिएको र कतिपय मानसिक रूपमा आघातमा परेको भन्दै उनीहरूको उपचारलाई प्राथमिकतामा राख्न सरकारको ध्यानाकर्षण गराएकी हुन्। उनले नेपालमा मानसिक स्वास्थ्य उपचारका लागि पर्याप्त पूर्वाधार र पुनर्स्थापना केन्द्रको अभाव रहेको बताइन्।