जर्मनमा पढाइ छाडेर पोर्चुगल हानिएका हरि

स्याङ्जाका हरि चापागाईं सन् २०१४ मा बिजनेस स्टडिज पढ्नका लागि जर्मनी गए। तर उनलाई पढाइमा खासै चासो लागेन। केही समय पढेर उनी स्पेन हानिए। स्पेनबाट उनी फेरि पोर्चुगल गए। पोर्चुगलको राजधानी लिस्बनको एक रेस्टुरेन्टमा झन्डै एक वर्ष उनले काम गरे।

'पोर्चुगलमा काम गर्ने रेस्टुरेन्टमा ग्राहक बस्ने ठाउँ र किचन खुला थियो। हामीले खाना पकाउँदै गरेको ग्राहकले देख्थे भने ग्राहकले खाएको हामीले देख्थ्यौँ,' उनले भने, 'सन् २०१६ मा मैले क्रिस्टियानो रोनाल्डोलाई खाना खुवाउने अवसर पाएको थिएँ। उनले त्यो बेला सुसी र ग्रिल चिकेन खाएका थिए।'