काठमाडौंबाट यसरी पठाउनुहोस् भोटेकोशीका बाढीपीडितलाई राहत सहयोग

जिल्ला प्रशासन कार्यालय काठमाडौंले रसुवा, नुवाकोट र धादिङ जिल्लाका भोटेकोशी बाढीपीडितका लागि राहत सामग्री जुटाउन आह्वान गरेको छ।

बुधबार आएको बाढीले नदी किनारका क्षेत्रहरू तहसनहस बनाएपछि पीडितहरूलाई सहयोग गर्न प्रशासनले एक सूचना जारी गरेको हो। काठमाडौं जिल्लाभरि रहेका विभिन्न संघ, संस्था, व्यक्ति, कम्पनी र क्लबहरूलाई खाद्यान्न, लत्ताकपडा, भाँडाकुँडा लगायतका घरायसी प्रयोजनका सामग्रीहरू संकलन गरी उपलब्ध गराउन आग्रह गरिएको छ।