कांग्रेस महाधिवेशन निर्वाचनमा कडाइ : प्रचारमा टोपीदेखि सवारीसाधनसम्म रोक

नेपाली कांग्रेसले आगामी १५औँ महाधिवेशनको निर्वाचनलाई मर्यादित, पारदर्शी र व्यवस्थित बनाउन नयाँ ‘निर्वाचन निर्देशिका, २०८३’ जारी गरेको छ। केन्द्रीय निर्वाचन समितिले जारी गरेको निर्देशिकाले वडा तहदेखि केन्द्रीय कार्यसमितिसम्मको निर्वाचन प्रक्रिया, उम्मेदवारी, प्रचारप्रसार र मतगणनासम्बन्धी व्यवस्था स्पष्ट गरेको छ।

निर्देशिकाले महाधिवेशनमा सहभागी उम्मेदवारका लागि कडा आचारसंहिता लागू गरेको छ। निर्वाचन प्रचारका क्रममा जुलुस, कोणसभा तथा अन्य कार्यक्रम गर्दा अनुशासन र मर्यादा कायम गर्नुपर्ने व्यवस्था गरिएको छ।