चापाकलमा करेन्ट लागेर महिलाको मृत्यु

बरहथवा (सर्लाही) । चापाकलमा जोडेको मोटरबाट करेन्ट लाग्दा सर्लाहीमा एक महिलाको आज मृत्यु भएको छ ।

रामनगर गाउँपालिका–६, मलाहटोल बस्ने ५० वर्षकी मिथलेसिया देवीको करेन्ट लागेर मृत्यु भएको हो । आफ्नै घर पछाडि रहेको चापाकलबाट पानी तान्ने क्रममा उनलाई करेन्ट लागेको जिल्ला प्रहरी कार्यालय सर्लाहीका प्रवक्ता प्रहरी नायब उपरीक्षक वेदप्रसाद गौतमले जानकारी दिए ।