विद्युतमा कर लगाउने सरकारको निर्णयप्रति कुलमान घिसिङको आपत्ति, तत्काल फिर्ता लिन माग

सरकारले आगामी आर्थिक वर्ष २०८३/०८४ को बजेटमार्फत मासिक ५० युनिटभन्दा बढी विद्युत् खपत गर्ने उपभोक्तामाथि ५ प्रतिशत मूल्य अभिवृद्धि कर (भ्याट) लगाउने निर्णय गरेपछि पूर्वऊर्जामन्त्री कुलमान घिसिङ ले आपत्ति जनाउँदै उक्त निर्णय तत्काल फिर्ता लिन सरकारसँग माग गर्नुभएको छ ।

शुक्रबार अर्थमन्त्री डा. स्वर्णिम वाग्ले ले प्रस्तुत गरेको बजेटमार्फत ल्याइएको उक्त व्यवस्थाप्रति सामाजिक सञ्जाल फेसबुकमार्फत प्रतिक्रिया दिँदै घिसिङले यो निर्णय आम उपभोक्ताको हितविपरीत भएको टिप्पणी गर्नुभएको हो ।