ई-जीपी किन रोकियो ? रास्वपा सांसद गजुरेलले दिए यस्तो स्पष्टीकरण

काठमाडौं । राष्ट्रिय स्वतन्त्र पार्टी (रास्वपा) का सांसद आशिष गजुरेलले सरकारी ठेक्का तथा सार्वजनिक खरिदमा प्रयोग हुँदै आएको विद्युतीय खरिद प्रणाली (ई-जीपी) प्राविधिक तथा सुरक्षा समस्याका कारण अस्थायी रूपमा प्रयोगमा नरहेको बताएका छन् । यद्यपि, यसका कारण सार्वजनिक खरिद प्रक्रिया नै अनिश्चितकालका लागि रोकिएको अवस्था नरहेको उनले स्पष्ट पारेका छन् ।

सामाजिक सञ्जालमार्फत जानकारी दिँदै गजुरेलले ई-जीपी प्रणालीमा गम्भीर सुरक्षा कमजोरी देखिएपछि त्यसलाई सुधार गर्ने काम भइरहेको बताएका हुन् । उनका अनुसार प्रणालीमा एउटा प्रस्तावदाताले अर्को प्रस्तावदाताले पेस गरेको प्रस्ताव हेर्न वा त्यसमा पहुँच राख्न सक्ने अवस्था देखिएको छ ।