पर्यटक प्रहरी अनुशिक्षण तालिम सम्पन्न

कोशी प्रदेश प्रहरी कार्यालय विराटनगरको तत्वावधानमा सञ्चालन भएको सात कार्य दिनको “पर्यटक प्रहरी अनुशिक्षण” तालिमको कोशी प्रदेश सरकार पर्यटन वन तथा वातावरण मन्त्रालयका प्रदेश सचिव डा. ईन्द्रप्रसाद सापकोटाको प्रमुख आतिथ्यतामा समापन भएको छ ।

कोशी प्रदेश प्रहरी कार्यालय विराटनगरको सभाहलमा तालिम समापन कार्यक्रमलाई सम्वोधनको क्रममा प्रमुख आतिथि सापकोटाले कोशी प्रदेशमा रहेका बिभिन्न प्राकृतिक, धार्मिक सम्पदा तथा रमणीय पर्यटकीयस्थलको अवलोकन र भ्रमणको लागि पाल्नु हुने विदेशी तथा स्वदेशी पर्यटकको आवश्यक शान्ति सुरक्षालगायत विविध विषयमा सहजिकरणको लागि पर्यटक प्रहरीको महत्वपूर्ण भूमिका रहेको बताउनुभयो ।