यमनमा हुथीविरुद्ध साउदीको हवाई आक्रमण तीव्र, होर्मुजमा अमेरिकी ड्रोन कब्जा गर्ने इरानको प्रयास असफल

काठमाडौं– यमनमा हुथी विद्रोही र अन्तर्राष्ट्रिय मान्यता प्राप्त यमनी सरकारबीचको संघर्ष चर्किँदै जाँदा साउदी अरबले हुथी नियन्त्रणमा रहेका क्षेत्रमा ठूलो संख्यामा हवाई आक्रमण गरेको दाबी गरिएको छ। हुथी प्रवक्ता मोहम्मद अब्दुल सलामले पछिल्ला केही दिनमा साउदी अरबले ३५० भन्दा बढी हवाई हमला गरेको आरोप लगाएका छन्।

हुथीहरूले साउदी सेनाले सार्वजनिक तथा निजी सम्पत्तिलाई समेत निशाना बनाएको दाबी गरेका छन्। पछिल्लो समय हुथीहरूले साउदीका सहर र ऊर्जा पूर्वाधारमा आक्रमण बढाउँदै यमनको लालसागर तट हुँदै रणनीतिक बाब अल–मन्देब जलडमरूमध्यतर्फ आफ्नो गतिविधि विस्तार गरेका छन्।