विष्णु पौडेलको गिरफ्तारीविरुद्ध एमालेको प्रतिवाद, बिनासर्त रिहाइको माग

नेपाल कम्युनिष्ट पार्टी (एमाले) को केन्द्रीय सचिवालय बैठकले पार्टीका उपाध्यक्ष विष्णुप्रसाद पौडेलको गिरफ्तारीलाई प्रतिशोधपूर्ण, पूर्वाग्रहप्रेरित र गैरकानुनी भएको ठहर गर्दै त्यसको राजनीतिक तथा कानुनी रूपमा सशक्त प्रतिवाद गर्ने निर्णय गरेको छ।

अध्यक्षको निवास गुण्डु, भक्तपुरमा मंगलबार बसेको सचिवालयको नवौँ बैठकले सम्पत्ति शुद्धीकरणको बहानामा कुनै वस्तुपरक तथ्य र प्रमाणबिना पौडेललाई पक्राउ गरिएको दाबी गर्दै उक्त कदमको निन्दा गरेको सचिव महेश बस्नेतले जानकारी दिए ।