ठमेलमा शान्ति भङ्ग गरेको आरोपमा ३५ जनाविरुद्ध मुद्दा

काठमाडौं। काठमाडौंको प्रमुख पर्यटकीय क्षेत्र ठमेलमा सार्वजनिक मर्यादा एवं शान्ति भङ्ग गर्ने, लागुऔषध तथा यौनजन्य गतिविधिका लागि दुरुत्साहन गर्ने र बिचौलियाका रूपमा काम गरेकाे आरोपमा ३५ जनाविरुद्ध मुद्दा दर्ता गरिएको छ।

ठमेल क्षेत्रमा स्वदेशी तथा विदेशी पर्यटक, ग्राहक एवं सर्वसाधारणलाई लागुऔषध तथा यौनजन्य गतिविधिमा संलग्न हुन दुरुत्साहन गर्ने, दुःख हैरानी दिने तथा अभद्र व्यवहार गर्ने गरेको गुनासो बढेपछि प्रहरीले विशेष निगरानी तथा कारबाही गरेको थियो। सो क्रममा सार्वजनिक मर्यादा तथा शान्ति भङ्ग गर्नसक्ने आशंका देखिएका ५९ जनालाई प्रहरीले नियन्त्रणमा लिएको जिल्ला प्रहरी परिसर काठमाडौंले जनाएको छ।