पार्टी विभाजनको संकेत देखेपछि राप्रपाका ३ पूर्वअध्यक्षको अपिल : आत्मघाती कदम नचाल्नू

काठमाडौँ- राष्ट्रिय प्रजातन्त्र पार्टी (राप्रपा)का तीन पूर्वअध्यक्षले संयुक्त अपिल जारी गरी अहिलेको घडीमा पार्टी नछाड्ने नेता तथा कार्यकर्तालाई अनुरोध गरेका छन्।

राप्रपाका पूर्वअध्यक्षहरू कमल थापा, डा. प्रकाशचन्द्र लोहनी र पशुपति शमशेर राणाले शनिबार जारी गरेको संयुक्त वक्तव्यमा पार्टी छोड्नेबारे नसोच्न आग्रह गरिएको छ। ‘अहिलेको घडीमा पार्टी छाड्ने वा पलायन हुनेबारे नसोच्न र त्यस्तो आत्मघाती कदम नचाल्न हामी पार्टीका सम्पूर्ण साथीहरूलाई विशेष अनुरोध गर्दछौँ,’ तीनै जनाले भनेका छन्।