कवि नानुमैया दाहाललाई सम्मान

नोबेल साकोस साहित्य संस्था, विराटनगरले नियमित मासिक रचना कार्यक्रमको ४४ औँ श्रृङ्खलामा युवा कवि नानुमैया दाहाललाई सम्मान अर्पिएको छ।

विराटनगर प्रज्ञाप्रतिष्ठानका अध्यक्ष प्राज्ञ विवश पोखरेलको प्रमुख आतिथ्य तथा वरिष्ठ साहित्यकार बलराम पोखरेल र सङ्गम अभियान मासिकका प्रधानसम्पादक एवम् विराटनगर प्रज्ञाप्रतिष्ठानका सदस्य रामबाबु दाहालको विशेष आतिथ्य रहेको उक्त कार्यक्रममा विराटनगरकी युवा कवि नानुमैया दाहाललाई नगदसहित सम्मान गरिएको छ।