नेपाल-तिब्बत सीमा क्षेत्रमा हिमनदी फुट्दा गएको विनाशकारी बाढी र हिमपहिरो देखिने भिडिओ सार्वजनिक

काठमाडौं । नेपालको उत्तरी क्षेत्र र तिब्बतको सीमा नजिकै हिमाली क्षेत्रमा गएको विनाशकारी हिमपहिरो र त्यसपछिको बाढीले पुर्‍याएको क्षतिको अहिलेसम्मकै स्पष्ट दृश्य देखाउने विशेष भिडिओ सार्वजनिक भएको छ । द न्युयोर्क टाइम्सले भेरिफाई गरेका यी भिडिओ फुटेजहरूले नेपालको उत्तरी भेगमा तिब्बत सीमा नजिकै गएको हिमपहिरोको प्रत्यक्ष रूप देखाउँछन् । जसले नदी किनारका तल्लो तटीय उपत्यकाहरूमा लेदो र पानीको ठुलो बहाव बहाएको थियो ।

प्राप्त नयाँ भिडिओ फुटेजहरूमा हिमालय क्षेत्रको एउटा विशाल हिमनदी (Glacier) पहाडको चुचुरोबाट भत्किएर खसेको र त्यसले विनाशकारी बाढी निम्त्याएको पछिल्लो अवस्था स्पष्ट रूपमा देखिन्छ । घटनाका प्रत्यक्षदर्शीका अनुसार, उनीहरूले हिमपहिरो आँखाले देख्नुभन्दा पहिले नै यसको भयानक आवाज सुनेका थिए । एक जना २६ वर्षीय टुर गाइड जिहा यिटिए र उनको पदयात्री टोलीले गत बुधबारको बिहान तिब्बततर्फ रहेको एक भ्यु पोइन्ट (Observation Deck) मा चढेर बिताएका थिए, जहाँबाट नेपालको सीमापारि रहेका हिउँले ढाकिएका हिमालहरू स्पष्ट देखिन्थे ।