जहाँ प्रश्न गर्ने ठाउँ हुँदैन, त्यहाँ संगठन मौलाउँदैन

नेकपा (एमाले) ले ‘मिसन पार्टी जागरण’ नामको अभियान सञ्चालन गर्दैछ । दलीय व्यवस्थामा जनता र दलबिचको सम्बन्ध सुमधुर र विश्वसनीय हुनुपर्छ । पार्टीको नीति, कार्यक्रम, कार्यदिशा, पार्टीका विचार जनसमक्ष पुर्‍याउन विभिन्न अभियानहरू चलाउनु पर्छ । तर, नियमित प्रकृतिका कामका विषयमा अभियान केवल झमेला मात्र हुन्छन् ।

आयोजना गर्ने संगठन र कार्यकर्ताहरूका लागि बोझ लाग्छन् । जिल्ला र पालिका स्तरमा बैठक गर्न, त्यही तहका नेता–कार्यकर्ता पङ्क्तिलाई पार्टीका नीति तथा वर्तमान अवस्थाबारे स्पष्ट प्रशिक्षित गर्न पनि अभियान नै सञ्चालन गर्नुपर्ने हुन्छ । तर, अधिकांश पार्टीहरुको सञ्चालन सही ढङ्गले हुन सकेको छैन र नियमित पनि छैन ।