बाढी प्रभावितलाई टेलिकमको राहत प्याकेज, ३ दिन थपियो नि:शुल्क सञ्चार सुविधा

काठमाडौं । भोटेकोशी बाढीबाट प्रभावित क्षेत्रका नागरिकलाई नेपाल टेलिकमले उपलब्ध गराउँदै आएको नि:शुल्क भ्वाइस कल, डेटा र एसएमएस सुविधा थप तीन दिनका लागि विस्तार गरेको छ ।

कम्पनीका अनुसार अब भदौ १२, १३ र १४ गतेसम्म प्रभावित क्षेत्र तथा आसपासका सेवाग्राहीले उक्त सुविधा प्रयोग गर्न सक्नेछन् । यसअघि टेलिकमले दुई दिनका लागि नि:शुल्क सेवा उपलब्ध गराउने निर्णय गरेको थियो । थप गरिएको सुविधाअन्तर्गत दैनिक २ जीबी डेटा र ५० वटा एसएमएस नि:शुल्क उपलब्ध हुनेछन् ।