गृह मन्त्रालयबाट म हटेपछि मिटरब्याज पीडितलाई न्याय दिने कामले निरन्तरता पाएन: श्रेष्ठ

काठमाडौँ। नेपाली कम्युनिस्ट पार्टीका नेता तथा पूर्वगृहमन्त्री नारायणकाजी श्रेष्ठले नेपाली समाजमा आज पनि सामन्तवादको निकृष्ट अभिव्यक्तिको रूपमा मिटरब्याज जस्तो पीडादायक शोषण कायम रहेको र हजारौँ गरिबहरू यसको मारमा परेको बताएका छन्।

सामाजिक सञ्जाल फेसबुकमा एक पोस्ट राख्दै उनले मिटरब्याजका कारण कैयौँको घरजग्गा लुटिएको र जीवन बर्बाद भएको उल्लेख गरे। विशेषतः तराई मधेसमा यो समस्या चर्को रूपमा विद्यमान रहेको उनको भनाइ छ।