इन्जिनियर बन्ने साेच्दै हुनुहुन्छ ? नेपाल इन्जिनियरिङ कलेजमै किन पढ्ने ?

काठमाडौँ / १२ कक्षा (विज्ञान संकाय) उत्तीर्ण गरेपछि इन्जिनियरिङ अध्ययन गर्ने योजना बनाएका विद्यार्थीका लागि नेपाल इन्जिनियरिङ कलेज (एनईसी) उत्कृष्ट गन्तव्यका रूपमा स्थापित हुँदै गएको छ। सन् १९९४ देखि सञ्चालनमा रहेको यो कलेज गैर–नाफामूलक शैक्षिक संस्थाका रूपमा परिचित छ ।

नेपालका पुराना तथा स्थापित इन्जिनियरिङ कलेजमध्ये गनिने एनईसीलाई पुल्चोक क्याम्पस र काठमाडौँ विश्वविद्यालयपछि निजी क्षेत्रका उत्कृष्ट इन्जिनियरिङ कलेजमध्ये एक मानिन्छ । पोखरा विश्वविद्यालयअन्तर्गत सञ्चालित कलेजले नेपाल इन्जिनियरिङ काउन्सिलबाट स्थायी मान्यता प्राप्त गरेको छ, जसले विद्यार्थीको लाइसेन्स परीक्षा र भविष्यको करियरलाई थप मजबुत बनाउने विश्वास लिइएको छ ।