आईसीसीले फेर्‍यो टी–२० र एकदिवसीय विश्वकपको ढाँचा, ‘सुपर १०’ लागू हुने

काठमाडौं । अन्तर्राष्ट्रिय क्रिकेट परिषद् (आईसीसी)ले पुरुष टी–२० विश्वकप र एकदिवसीय विश्वकपको ढाँचा परिवर्तन गर्ने निर्णय गरेको छ । स्कटल्यान्डको एडिनबर्गमा सम्पन्न आईसीसी बोर्ड बैठकले प्रतियोगितालाई थप प्रतिस्पर्धात्मक र रोमाञ्चक बनाउने उद्देश्यसहित नयाँ संरचना अनुमोदन गरेको हो ।

आईसीसीका अनुसार सन् २०२८ देखि हुने पुरुष टी–२० विश्वकपमा हालको ‘सुपर एट’ चरणको स्थानमा ‘सुपर १०’ लागू हुनेछ । समूह चरणमा २० टोलीलाई चार–चार टोलीका पाँच समूहमा विभाजन गरिनेछ भने प्रत्येक समूहका शीर्ष दुई टोली दोस्रो चरणमा पुग्नेछन् ।