समाजवाद र साम्यवादको भाषण गर्न मजा आउँछ : प्रधानमन्त्री

काठमाडौँ । प्रधानमन्त्री बालेन्द्र (बालेन) शाहले समाजवाद र साम्यवादको भाषण गर्न मजा आए पनि व्यवहारमा कार्यान्वयन गर्न कठिन रहेको बताएका छन् । विपक्षी दल नेकपाका सांसद प्रमेश हमालले विकासशील देशका रूपमा स्तरोन्नति गर्नेबारे सरकारको धारणा मागेपछि जवाफमा शाहले यस्तो बताएका हुन् ।

‘हामी निर्यातमुखी उत्पादन बढाउन र पैसा बढाउनेतिर ध्यान गएको छ’, प्रधानमन्त्री शाहले भने, ‘गरिब विपन्नको कुरामा साम्यवाद र समाजवाद भाषण दिन मजा हुन्छ । तर व्यवहारमा कठिन नै हुन्छ ।’