राष्ट्रसंघको ‘शान्ति सेना कार्यक्रम’ पतनको संघारमा, विश्वव्यापी वित्तीय संकट प्रमुख कारण

काठमाडौँ । मे २५ मा स्टकहोम इन्टरनेसनल पिस रिसर्च इन्सिट्युट (एसआईपिआरआई)ले सार्वजनिक गरेको प्रतिवेदनमा संयुक्त राष्ट्रसंघका शान्ति स्थापना (पिसकिपिङ) अभियानहरू भूराजनीतिक कारणहरूले सिर्जना गरेको ‘पूर्ण आँधी’का कारण पतनको संघारमा पुगेको उल्लेख गरिएको छ ।

एसआईपीआरआईको शान्ति अभियान तथा द्वन्द्व व्यवस्थापन कार्यक्रमका निर्देशक जइर भान डेर लिज्नले भने, ‘यदि अवस्था यही दिशामा अघि बढिरह्यो भने वित्तीय, राजनीतिक र भूराजनीतिक कारकहरूको संयुक्त प्रभावका कारण बहुपक्षीय द्वन्द्व व्यवस्थापन गम्भीर रूपमा कमजोर बन्न सक्छ र संयुक्त राष्ट्रसंघजस्ता संस्थाहरू लगभग पूर्ण रूपमा किनारामा धकेलिन सक्छन् ।’