गाई खोज्दै जाँदा

यो ब्लग स्थानीय जातको गाई खोज्दाको सन्दर्भमा आधारित छ। पशुपालनको कुरा गर्दा अधिकांश मानिसलाई ‘उन्नत जात’ को पशुपालनमा रुचि हुन्छ; जस्तो कि गाई भन्नेबित्तिकै जर्सी वा होलिस्टिन जस्ता जातको, जसको दूध धेरै होस्। तर, माटोलाई जीवन्त बनाउने हाम्रो जस्तो वातावरणीय (पारिस्थितिक) खेतीका लागि भने यो कथा बिल्कुलै फरक छ।

बिरुवाले माटोबाट आफैं खाना खाँदैन, यसलाई चम्चा चाहिन्छ। त्यो भनेको जीवन्त माटोमा पाइने सूक्ष्म जीव। कथित उन्नत र विकासे भनिएका जर्सी गाई लगायतको मलमूत्रमा माटोमा यस्ता जीव विकास गर्ने क्षमता कम हुन्छ।