मदन भण्डारी स्वास्थ्य विज्ञान प्रतिष्ठानको प्रिफ्याब भवन उद्घाटन

मकवानपुर । बागमती प्रदेशको स्वास्थ्य शिक्षालाई संस्थागत र व्यवस्थित बनाउने उद्देश्यसहित निर्माण गरिएको मदन भण्डारी स्वास्थ्य विज्ञान प्रतिष्ठानको प्रिफ्याब भवन बुधबार उद्घाटन गरिएको छ ।

करिब ८ करोड ६१ लाख रुपैयाँ लागतमा निर्माण भएको भवन सञ्चालनमा आएसँगै प्रतिष्ठानका विभिन्न स्थानमा छरिएर सञ्चालन हुँदै आएका शैक्षिक तथा प्रशासनिक गतिविधिलाई क्रमशः एउटै परिसरमा केन्द्रित गर्ने तयारी गरिएको छ।