बोहराको हत्यारा निटकका साथीवाट भएको प्रहरीको भनाइ

लमजुङ । लमजुङमा हराएको पाँचौं दिन जंगलमा शव फेला परेका बुद्धिबहादुर बोहराको हत्यारा उनकै निकटका साथी भएको खुलेको छ । जिल्ला प्रहरी कार्यालय, लमजु्ङले मृतकका आफन्तजनको रोहबरमा पत्रकार सम्मेलन गरी बुधबार साँझ केही बेर अघिमात्र त्यसको खुलासा गरेको हो ।

बेसीशहर नगरपालिका– १ मा स्थायी बसोबास भई सोही नगरपालिका– ८ को सेरा स्थित तामाङ टोलमा घर बनाई बसोबास गर्दै आएका बोहराको शव लमजुङको बेसीशहर नगरपालिका– १ को आकाशेडाँडा माथि भिरपानी सामुदायिक वनमा शरीर तथा अनुहारको भाग सडिगली शंकास्पद अवस्थामा मृत फेला परेको थियो प्रहरीले जनाएको थियो । असार २१ गतेदेखि बेखबर रहेका बोहराको शव २५ गते बिहान जंगलमा फेला परेको थियो ।