साउन महिना नजिकिँदै जाँदा किनमेल गर्नेहरूको चहलपहल, तस्बिरहरू

काठमाडौँ । साउन महिना नजिकिँदै जाँदा काठमाडौँको इन्द्रचोकस्थित पोते तथा चुरा पसलहरूमा किनमेल गर्नेहरूको चहलपहल बढ्न थालेको छ। विशेष गरी महिलाहरू हरियो, रातो र पहेँलो चुरा तथा पोते खरिद गर्न पसलहरूमा पुगिरहेका छन्।

हिन्दु परम्पराअनुसार साउन महिनालाई धार्मिक आस्था र सौभाग्यको महिनाका रूपमा लिइन्छ। साउन १ गते लुतो फाल्ने परम्परासँगै यो महिनामा सरसफाइ, नुहाइधुवाइ र भगवान् शिवको पूजा–आराधनालाई विशेष महत्त्व दिइन्छ।