जलविद्युत आयोजना कार्यान्वयनलाई तीव्रता दिन नेपाल-भारतबीच सहमति

काठमाडौँ- नेपाल र भारतबीच ऊर्जा क्षेत्र सहकार्यसम्बन्धी संयुक्त निर्देशक समिति (जेएससी) को १३ औँ बैठक बुधबार पोखरामा सम्पन्न भएको छ।

दुई देशबीच जलविद्युत परियोजनाहरुको विकास, विद्युत व्यापार तथा प्रसारण पूर्वाधार विस्तारलगायत क्षेत्रमा द्विपक्षीय सहकार्यलाई थप सुदृढ बनाउने उद्देश्यका साथ बैठक आयोजना गरिएको हो।