लागूऔषध सेवन गरी सवारी चलाउने ५ चालक पक्राउ

बागलुङ । जिल्ला प्रहरी कार्यालय बागलुङले लागूऔषध सेवन (लापसे) गरी सार्वजनिक सवारी साधन चलाउने ५ जना चालक र १ जना सह–चालकलाई नियन्त्रणमा लिएको छ।

गत असार ८ गते बिहान ११:०० बजेको समयमा बागलुङ नगरपालिका वडा नं. ०१, मालढुङ्गास्थित सडक खण्डमा गरिएको नियमित चेकिङका क्रममा उनीहरू पक्राउ परेका हुन्। जिल्ला प्रहरी कार्यालय बागलुङ, जिल्ला ट्राफिक कार्यालय र प्रहरी चौकी मालढुङ्गाको संयुक्त टोलीले सार्वजनिक सवारीका चालक तथा सह–चालकहरूलाई 'टीएचसी' (THC) लागूऔषध सेवन किटमार्फत परीक्षण गरेको थियो।