छापामार शैलीमा प्रधानमन्त्री सदनमा उपस्थित भएको भन्दै प्रतिपक्षीले जनाए आपत्ति

काठमाडौं– प्रधानमन्त्री बालेन्द्र शाहले सदनमा आकस्मिकरुपमा उपस्थित भएर केही सांसदहरुको प्रश्नको जवाफ दिए पनि प्रतिपक्षी दल एमाले र श्रम संस्कृति पार्टीले असन्तुष्टि जनाएका छन् । संसद नियमावलीको पालनाअनुसार प्रश्नोत्तर नभएको उनीहरुको आरोप छ ।

प्रधानमन्त्री जवाफ दिएर हिँडेलगत्तै एमाले र श्रम संस्कृति पार्टीका सांसदहरुले उठेर बोल्न समय माग गरेका थिए । तर, सभामुखले समय नदिएपछि केहीबेर बादविवाद भयो । एमालेका ऐन महरलाई लगातार उठेर विरोध जनाइरहे । तर, सभामुखले एमालेकै गुरु बराललाई बोल्न समय दिए । बरालले प्रधानमन्त्रीको प्रश्नोत्तर नियमावली अनुसार नभएको भन्दै आपत्ति जनाए ।