बाम्का बजारमा खानेपानीको हाहाकार

बाजुराको बुढीगङ्गा नगरपालिका–६ स्थित बाम्का बजारमा खानेपानीको अभाव चुलिएको छ। बजारवासीले प्रयोग गर्दै आएको मुख्य मुहान सुकेपछि यहाँ खानेपानीको हाहाकार भएको हो।

बजारमाथि रहेको सानो मुहानबाट यहाँका व्यापारी तथा स्थानीयले खानेपानीको आवश्यकता पूरा गर्दै आएका थिए। असार लागेसँगै खडेरीका कारण उक्त मुहान सुकेपछि बजारमा खानेपानीको सङ्कट उत्पन्न भएको स्थानीयले बताएका छन्।