मलद्वारमा लुकाएर खैरो हेरोइन भित्र्याउने दुई जना पक्राउ

मोरङ । मोरङको रंगेली नगरपालिका वडा नम्बर ६ स्थित पुरानो भन्सार टोलबाट प्रहरीले खैरो हेरोइनसहित दुई जनालाई पक्राउ गरेको छ। भारतबाट नेपालतर्फ आउँदै गरेका उनीहरूलाई इलाका प्रहरी कार्यालय रंगेली र लागूऔषध नियन्त्रण ब्युरो विराटनगर शाखाबाट खटिएको संयुक्त प्रहरी टोलीले नियन्त्रणमा लिएको हो।

पक्राउ पर्नेहरूमा इलामको चुलाचुली गाउँपालिका वडा नम्बर १ घर भई हाल मोरङको पथरीशनिश्चरे नगरपालिका वडा नम्बर १ बस्ने २३ वर्षीय सम्योक वानेम फागो र सोही स्थान बस्ने २० वर्षीया भूमिका फागो रहेका छन्।