नीरव मोदीलाई बेलायती अदालतको ठुलो झट्का

लन्डन । भारतका भगौडा हीरा व्यापारी नीरव मोदीलाई बेलायतको उच्च अदालतबाट ठुलो कानुनी झट्का लागेको छ । अदालतले बैंक ठगीसँग सम्बन्धित मुद्दामा उनलाई १ अर्ब रुपैयाँभन्दा बढी रकम भुक्तानी गर्न आदेश दिएको छ ।

उच्च अदालतका न्यायाधीश साइमन टिंकलरले दिएको निर्णयअनुसार नीरव मोदी व्यक्तिगत जमानत अन्तर्गत ऋणको दायित्व वहन गर्न बाध्य हुने ठहर गरिएको छ । अदालतका अनुसार नीरव मोदीमाथि करिब ४१ लाख अमेरिकी डलर (झन्डै ३८ करोड ९० लाख भारतीय रुपैयाँ) मूल ऋण बक्यौता छ ।