तीन दिनअघि बालेनको प्रशंसामा लिप्त सीके राउत एकाएक किन बने आक्रोशित ?

काठमाडौं । जनमत पार्टीका अध्यक्ष डा. सीके राउतले राष्ट्रिय स्वतन्त्र पार्टी (रास्वपा) ले प्रथम महाधिवेशन उद्घाटन समारोहमा भाषण गर्दै प्रधानमन्त्री वालेन्द्र शाहको जमेर प्रशंसा गरे । तर, त्यसको तीन दिनपछि नै उनी बालेनमाथि खनिएका छन् ।

रास्वपाले महाधिवेशनबाट प्रदेशसभा खारेज गर्ने राजनीतिक प्रस्ताव पारित गरेपछि राउत एकाएक बालेनसँग आगो भएका हुन् । प्रदेशसभा खारेजीको एजेन्डा अघि सार्नु बालेनको चरम राजनीतिक बेइमानी भएको उनको टिप्पणी छ । अहिलेको सरकारबाट संविधान संशोधन सम्भव नहुने भएकाले तत्काल आत्तिनुपर्ने अवस्था भने नरहेको भन्दै राउतले मन बुझाएका छन् ।