जर्सीसँगको दोस्रो अभ्यास खेलमा पनि नेपालको जित

३१ असार, काठमाडौं । आईसीसी क्रिकेट विश्वकप लिग २ को तयारीमा रहेको नेपाली क्रिकेट टोलीले जर्सीसँगको दोस्रो अभ्यास एकदिवसीय खेल पनि जितेको छ ।

बुधबार राति वर्षाले प्रभावित खेलमा नेपालले जर्सीमाथि डीएलएस पद्धतिअनुसार ७ रनको जित हासिल गरेको हो । २८३ रनको लक्ष्य पछ्याएको नेपालले ४६ ओभरमा ५ विकेट गुमाएर २५१ रन बनाएको अवस्थामा वर्षा भएको थियो ।