सुन्दरहरैँचामा ८६ सिटी सफारी चालकलाई नम्बरसहितको सुरक्षित ज्याकेट

सुन्दरहरैंचा (मोरङ) । मोरङको सुन्दरहरैंचा–४ स्थित सुन्दर दुलारी सिटी सफारी संघले सिटी सफारी सेवालाई थप सुरक्षित, व्यवस्थित र यात्रुमैत्री बनाउने उद्देश्यले ८६ जना चालकलाई नम्बरसहितको सुरक्षित ज्याकेट वितरण गरेको छ।

संघका अध्यक्ष नारायण सुबेदीको अध्यक्षता तथा जिल्ला ट्राफिक प्रहरी कार्यालय मोरङका प्रमुख सन्तोष न्यौपानेको प्रमुख आतिथ्यमा आयोजित कार्यक्रममा लाइसेन्स प्राप्त ८६ जना सिटी सफारी चालकलाई चालकको परिचय खुल्ने नम्बर अंकित सुरक्षित ज्याकेट हस्तान्तरण गरिएको हो।