हिजबुल्लाहद्वारा मार्चयता इजरायलमा ७ हजारभन्दा बढी रकेट र ड्रोन प्रहार

तेल अभिभ । इजरायलका विदेशमन्त्री गिडियोन सारले मार्च महिनायता हिजबुल्लाहले इजरायलमाथि ७ हजारभन्दा बढी रकेट, क्षेप्यास्त्र र ड्रोन प्रहार गरेको दाबी गरेका छन् । उनले यो जानकारी इजरायल र लेबनानबिच अमेरिकी मध्यस्थतामा जारी कूटनीतिक वार्ताको दोस्रो चरणअघि दिएका हुन् ।

तेल अभिभस्थित एक कार्यक्रममा बोल्दै सारले इजरायल र लेबनानी सरकारबिच केही सीमासम्बन्धी विवादबाहेक ठुलो मतभेद नरहेको बताए । उनका अनुसार ती विवादहरू छोटो वार्तामार्फत समाधान गर्न सकिन्छ । उनले इरान समर्थित हिजबुल्लाहलाई इजरायल र लेबनान दुवैको साझा शत्रुका रूपमा चित्रण गरे ।