कास्कीको अन्नपूर्ण : १७ करोड विकास बजेट, साढे ११ करोड सडकमै

पोखरा । कास्कीको अन्नपूर्ण गाउँपालिकाले आगामी आर्थिक वर्ष २०८३/०८४ का लागि आफ्नो वार्षिक बजेट सार्वजनिक गरेको छ । उपाध्यक्ष चन्द्रकला अधिकारीले गाउँसभामा आगामी आर्थिक वर्षका लागि कुल ६५ करोड ५० लाख रुपैयाँको बजेट प्रस्तुत गरेकी हुन् । गाउँपालिकाले नारामा कृषिलाई प्राथमिकता दिए पनि बजेटले पूर्वाधारलाई समातेको छ ।

प्रस्तावित बजेटमध्ये चालुतर्फ ४८ करोड ५ लाख र पुँजीगतमा १७ करोड ४४ लाख विनियोजन गरिएको हो । विनियोजित पुँजीगतमध्ये करिब साढे ११ करोड पूर्वाधारमै छुट्टाइएको छ । गाउँपालिकाका वडाहरूलाई मध्यपहाडी लोकमार्गसँग जोड्न र चक्रपथ निर्माणका लागि समपूरक अनुदानसहित ११ करोड २६ लाख सडकमा विनियोजन गरिएको हो ।