घरेलु हिंसा र न्यायप्रति प्रश्न: एलिना चौहानको भावुक अपिल, उजुरी बेवास्ता भएको आरोप

गायिका Elina Chauhan ले सामाजिक सञ्जालमार्फत घरेलु हिंसा र महिलाको सुरक्षासम्बन्धी गम्भीर प्रश्न उठाएकी छन्। उनले एक महिलाको मृत्युको घटनाप्रति दुःख व्यक्त गर्दै घरेलु हिंसालाई "घरभित्रको कुरा" नभई अपराधका रूपमा लिनुपर्ने बताएकी छन्।

एलिनाले आफ्नो पोस्टमा यदि एक सैनिकसमेत सुरक्षित हुन नसकेको अवस्था हो भने सामान्य महिलाहरूको सुरक्षा झन् चुनौतीपूर्ण बन्ने टिप्पणी गरेकी छन्। उनले पीडित पक्षले पाँच पटकसम्म उजुरी दिएको दाबी गर्दै त्यसलाई सम्बन्धित निकायले गम्भीर रूपमा नलिएको आरोपसमेत लगाएकी छन्।