नाम्खा गाउँपालिकाको बजेट ३५ करोड ३२ लाख: कृषि, पूर्वाधार र सेवा विस्तारमा केन्द्रित

हुम्ला। उत्तरी हिमाली जिल्ला हुम्लाको नाम्खा गाउँपालिकाले आर्थिक वर्ष २०८३/८४ का लागि ३५ करोड ३२ लाख १५ हजार ८८८ रुपैयाँ २० पैसाको बजेट सार्वजनिक गरेको छ।

कृषि उत्पादन वृद्धि, सडक तथा पूर्वाधार विकास, शिक्षा, स्वास्थ्य, खानेपानी, विपद् व्यवस्थापन र स्थानीय सेवा प्रवाहलाई केन्द्रमा राख्दै गाउँपालिकाले आगामी वर्षका लागि महत्वाकांक्षी योजना अघि सारेको हो।