दुई दिनमा बस्ती खाली गरियो, अब होल्डिङ सेन्टर खाली गर्न ५ दिनको अल्टिमेटम

दुई महिनाअघि दुई दिनको छोटो सूचना दिएर जबर्जस्ती सुकुम्बासी बस्ती खाली गराएको सरकारले अहिले फेरि होल्डिङ सेन्टर छाड्न पाँच दिनको अल्टिमेटम दिएपछि विस्थापितहरू अन्योलमा परेका छन्।

काठमाडौं उपत्यकाका विभिन्न सुकुम्बासी बस्तीमा डोजर चलाएपछि सरकारले त्यहाँका बासिन्दालाई होल्डिङ सेन्टरहरूमा ल्याएर राखेको थियो। अहिले आएर पाँच दिनभित्र डेरा खोजेर सर्न सूचना जारी गरिएपछि उनीहरूको बिचल्ली भएको छ।