नेपालमा हाइड्रोजनबाट चल्ने सवारीका लागि नीति बनाउने सरकारको तयारी, यसरी दिनुहोस् सुझाव

काठमाडौं । नेपाल सरकारले हाइड्रोजनमा आधारित सवारी साधनको प्रभावकारी विकास, सञ्चालन र नियमनका लागि आवश्यक नीति, कानुनी व्यवस्था तथा प्राविधिक मापदण्ड निर्माण प्रक्रिया अघि बढाएको छ । यसका लागि पूर्वाधार विकास मन्त्रालयले विश्वविद्यालय, अनुसन्धान संस्था, उद्योग, विकास साझेदार, अन्तर्राष्ट्रिय संस्था तथा अन्य सरोकारवालासँग लिखित सुझाव मागेको छ ।

मन्त्रालयले सार्वजनिक गरेको सूचनाअनुसार नेपालमा हाइड्रोजनमा आधारित सवारी साधनको सुरक्षित, दिगो तथा प्रभावकारी विकास र सञ्चालनका लागि अन्तर्राष्ट्रिय उत्कृष्ट अभ्यास, नियामकीय व्यवस्था, सुरक्षा मापदण्ड, प्राविधिक दिशानिर्देश तथा आवश्यक जनशक्ति विकाससम्बन्धी सुझाव संकलन गरिनेछ ।