फेरियो राष्ट्र बैंकको नीति, अब डेढ वर्ष पहिले जस्तै ठुला बिजुली बसको डाउन पेमेन्ट २०% कायम

काठमाडौं । अब २० प्रतिशत डाउन पेमेन्टमै सार्वजनिक यातायातको रूपमा प्रयोग हुने यात्रुवाहक ठुला विद्युतीय सवारी साधन (ईभी) खरिद गर्न सकिने भएको छ । नेपाल राष्ट्र बैंकले सवारी साधन कर्जा (हायर-पर्चेज) नीतिगत संशोधन मार्फत कर्जा प्रवाह गर्दा ऋण-मूल्य अनुपात (Loan to Value Ratio - LTV) लाई अधिकतम ८० प्रतिशत कायम गरेको हो ।

राष्ट्र बैंकको यो नयाँ व्यवस्थासँगै अब व्यवसायी तथा ग्राहकहरूले २० प्रतिशत डाउन पेमेन्ट बुझाएर ठुला विद्युतीय सवारी साधनहरू खरिद गर्न सक्ने बाटो खुलेको छ । राष्ट्र बैंकको यो नीतिले सार्वजनिक यातायातको क्षेत्रमा विद्युतीय सवारी साधनको प्रयोगलाई बढावा दिने विश्वास गरिएको छ ।