अमेरिका र इरानबिचको सैन्य द्वन्द्व नयाँ चरणमा : ३५ को मृत्यु, तीन सय बढी घाइते

अमेरिका र इरानबिचको सैन्य द्वन्द्व नयाँ चरणमा प्रवेश गरेको छ। बिहीबार बिहान अमेरिकाले इरानलाई लक्षित गर्दै आक्रमण तीव्र पारेको छ भने इरानले पनि छिमेकी खाडी मुलुकमा रहेका अमेरिकी सम्पत्तिमाथि प्रतिशोधात्मक आक्रमण जारी राखेको छ।

अमेरिकी सेनाले इरानमाथि आक्रमणको अर्को लहर सुरु भएको बताएको छ। इरानी सञ्चारमाध्यमका अनुसार केश्म टापु, बन्दर अब्बास, चाबहारलगायतका क्षेत्रमा विस्फोट भएका छन्। यसपटक आक्रमणको दायरा राजधानी तेहरानका आसपासका क्षेत्रसम्म पुगेको छ। त्यस्तै, ब्यालिस्टिक क्षेप्यास्त्र उत्पादन र अन्तरिक्ष कार्यक्रमको केन्द्र सेमनान प्रान्तलाई पनि लक्षित गरिएको छ।