धान रोप्ने क्रममा चट्याङ पर्दा पर्सामा सात महिला घाइते

पर्साको पकहामैनपुर गाउँपालिका १ स्थित धोरे–सिधौलिया सीमावर्ती क्षेत्रमा धान रोपिरहेका बेला चट्याङ पर्दा सात जना महिला घाइते भएका छन्।

बिहीबार परेको वर्षासँगै चट्याङ पर्दा स्थानीय ५५ वर्षीया शान्तिदेवी सहनी, ५५ वर्षीया राधिका देवी सहनी, ५५ वर्षीया रिता देवी सहनी, ५२ वर्षीया कुश्मी देवी सहनी, ४२ वर्षीया सन्ध्या देवी, ३५ वर्षीया प्रमिला सहनी र ३५ वर्षीया संगीता देवी घाइते भएको प्रहरीले जनाएको छ।